Stærð (M) — vægi skjálfta; +1 á kvarðanum ≈ 32× meiri orka. Neikvæð gildi (t.d. M-0,5) eru örsmáir skjálftar, varla merkjanlegir.

Dýpi — hve djúpt upptökin liggja (km); sjálfvirkt og oft óvisst í frumgögnum.

Hrina — margir skjálftar á stuttum tíma á sama svæði.

Uppsöfnuð talning — fjöldi lagður saman yfir tíma; brött kúrfa = hrina.

Vægi (Mo) — orku-mælikvarði skjálfta; einn M4 losar um þúsundfalt á við M2. Uppsafnað vægi sýnir raunverulega spennulosun, ekki bara fjölda.

b-gildi — halli stærðar-tíðni (Gutenberg-Richter); lægra b getur fylgt aukinni spennu. ± er tölfræðileg óvissa.

β (virkni-vik) — hve mörg staðalfrávik skjálftafjöldi sl. 24 klst er yfir 2ja-ára meðaltali kerfisins (β≥2 = aukin, β≥4 = óvenju mikil); tölfræðilegt hrinu-merki. Ekki rugla við b-gildi þótt táknin líkist — β mælir fjölda, b mælir stærðar-dreifingu.

Rek upptaka — færist virknin jafnt í eina átt getur það verið gangainnskot (kvika að brjóta sér leið); km/dag mælir hraðann.

Kvika — bráðið berg undir yfirborði; það sem verður að hrauni í gosi.

Aflögun — þegar land rís, sígur eða færist til vegna kviku eða spennu; mælt með GPS/GNSS.

GNSS (landris) — nákvæmt GPS sem mælir hvort land rís eða sígur, í mm á ári.

Órói (RSAM) — sjálfvirk óróamæling Veðurstofunnar: samfelldur titringur jarðar, oftast af veðri og brimi en stundum af kviku.

Eldstöðvakerfi — eldstöð ásamt sprungu- og kvikukerfi hennar.

Hvort skjálfti finnst fer líka eftir dýpi og fjarlægð frá byggð.